Frank Stallone ka deklaruar se do të mbështesë deri në fund vëllain e tij Sylvester, pasi është ndarë nga gruaja e tij prej 25 vitesh, Jennifer Flavin. Ish-modelja kërkoi divorcin pak ditë më parë, me aktorin të habitur, pasi nuk e priste që martesës së tyre t’i vinte fundi.
Një burim i afërt me Sylvester Stallone zbuloi për Page Six se pavarësisht grindjeve të tyre, ylli i Hollivudit ishte “i befasuar” nga lëvizja e Flavin.
Në një postim në Instagram, vëllai i Sylvester Stallone shprehu publikisht mbështetjen për aktorin në këtë fazë të vështirë të jetës së tij.
“Vëllezër përmes. Mjaft thamë”, ka shkruar Frank Stallone nën një foto të përbashkët nga fëmijëria e tyre.
View this post on Instagram
Më pas ai bëri një tjetër postim, me një video të shkurtër të Sylvester Stallone dhe theksoi se: “Ka shumë gjëra që po ndodhin, por mbani mend një gjë. Para së gjithash, familja”.
View this post on Instagram
Ndonëse për një kohë të gjatë çifti u përpoq të fshihte nga mediat telashet që kishin krijuar në martesën e tyre, dokumentet gjyqësore të divorcit nuk vonuan të zbardhën.
Megjithatë, përkundër faktit se Jennifer Flavin dëshiron t’i shkëpusë të gjitha lidhjet me Sylvester Stallone, madje edhe të ndryshojë mbiemrin, ajo po përpiqet në çdo mënyrë të marrë pjesën më të madhe të pasurisë së tyre.
Ajo pretendon se vitet e fundit aktori ka bërë shpërdorime të pamatura, si pasojë i ka humbur një pjesë e madhe e pasurisë familjare, ndaj kërkon që ai të “dëmshpërblehet plotësisht”, duke marrë pjesën më të madhe.
